ақпарат

        1 қыркүйек –Білім күніне арналған «Кел балалар, оқылық» атты салтанатты мерекелік жиыны өткізілді. 1 қыркүйек –Білім күні «Кел балалар, оқылық» және «Тәуелсіздік жетістіктері»  тақырыбында өткізілді.

Мақсаты: 

• 1 қыркүйек – Білім күні мерекесінің маңызын түсіндіру, сезіндіру;
• Бүлдіршіндерге Білім күні мерекесінің мән-мағынасын ұғындыру;
• Сахналық мәдениетін қалыптастыру; Мерекелік көңіл-күй сыйлау.

     Міндеті: Балаларға 1-қыркүйек күні – білім күні жайында түсінік беру. Өз туған елдеріне, жерлеріне, балабақшасына сүйіспеншілікке тәрбиелеу. . Елімізде тек қана бейбітшілік, тыныштық үшін, әр адам оған атсалысу керектігін түсіндіру. Байланыстырып сөйлеуге, сөйлем құра білуге үйрету.

       1 қыркүйек күні мектептің спортзалы мереке тақырыбына сай әсем безендірілді. Сары-көк шарлар мен жалаушалар және қанатты сөздер талапқа сай орналастырылды. Алғашқы қоңырау салтанатты мерекесіне пандемиялық шараларды ескере отырып, тек 1 сынып оқушыларына «Әліппе» кітаптары беріліп, мектеп спортзалында мектеп табалдырығын аттап отырған 1 сынып оқушылары мен сынып жетекшілері және мектеп әкімшілігі қатысты. Алғашқы әскери дайындық пәнінің мұғалімі Кокишев Ж.С. мектеп алдында сағат 9.00-де оқушыларды сапқа тұрғызып, мектеп директорына мектептің оқушыларының салтанатты мерекелік жиынға дайын екендігі туралы рапорт берді.Салтанатты мерекеге зейнеттегі ұстаздар арнайы шақырылып, оқушыларға өз тілектерін, өсиеттерін айтып жаңа  оқу жылымен құттықтады.
      Салтанатты жиын барысында мектеп оқушылары сый құрметке лайық ұстаздарға патриоттық әндер айтып, би билеп өнерлерін ортаға салды.Мектептен түлеп ұшқан түлектер ұлағатты ұстаздарының еңбектерін ұмыт қалдырмады. Арнайы бейнеролик арқылы ұстаздарына ризашылықтарын білдіріп, жылы лебіздерін арнады.
      Сондай-ақ 5 және 10 сынып оқушыларымен сынып жетекшілері «Тәуелсіздік жетістіктері»  тақырыбында сынып сағаттары өткізілді. Сыныптар безендіріліп, оқушылар тақпақтарын айтып, Қазақстан Тәуелсіздік жылында жеткен жетістіктері мен тәуелсіздікке қалай жеткені туралы айтылып, оқушыларға жалпы көптеген мәліметтер берілді.
 Сонымен қатар алғашқы қоңырау соғу сәті болып ел қуанышына бөленді.        Салтанатты жиын кезінде келеңсіз жағдайлар орын алған жоқ. Салтанатты мерекелік жиын жоспарға сәйкес өткізілді.