мектеп
2021 жылғы мектеп директорының жұмыстары туралы баяндамасы
Бүгінгі орта білім беру жүйесі – өте күрделі және жауапты жүйе. Ал білім беру мекемесін басқару дегеніміз - оқушыға сапалы білім беру үшін ұжымның әрбір мүшесін ортақ мақсатқа жұмылдыру, нәтижеге, жетістікке жетелеу. Әр мектептің өзінің саясаты, қалыптасқан қағидасы болатыны белгілі. Дегенмен, оқытудың тиімді болуы үшін жылдар бойы жинақталған тәжірибені қолдана отырып және заманауи талапты ескере отырып, мектеп жұмысына уақытылы өзгеріс енгізіп отыру қажеттігі туындайды. Ұжымдық шарт - Қазақстан Республикасы Конституциясының, Қазақстан Республикасы Еңбек Кодексінің нормаларына, Қазақстан Республикасының «Білім туралы», «Кәсіптік одақтар туралы» заңдарына, заңда көзделген жеңілдіктер көлемінен де жоғары жеңілдіктердің берілуін қамту мақсатында Әлеуметтік әріптестік туралы Бас Салалық келісімге, облыстық, аудандық (қалалық) Салалық келісімге сәйкес жасалынды.
Тараптардың келісіміне сәйкес ұжымдық келісім шарттың мазмұны қол қойылғаннан кейін 5 күн мерзім ішінде әрбір жұмысшыға таныстыру мекеме басшысына жүктеледі. Кәсіподақ комитеті жұмыскерлерге ұжымдық шарттың ережелерін түсіндіруді және орындалуына ықпал жасауды міндетіне алады. Жеке еңбек дауларын шешу жөніндегі келісу комиссиясы әлеуметтік әріптестік тараптарының келісімдерімен білім бөлімінде және әкімшілік аумақтық бірліктер бойынша – аудан, қала, облыс деңгейінде құрылуы мүмкін. Олар нақты мекемеде құрылған келісу комиссиялары құрылатын негізде жасақталады және жұмыс атқарады. Мектебімізде қазіргі таңда 39 мұғалім жұмыс істейді. Олардың ішінде жоғарғы санатты 1, екінші санатты 2, пеадагог-модераторлар-11, педагог-сарапшы14, педагог-зерттеуші-2. Жалпы мектебімізде оқушылар саны 317 оқушы. Қазіргі кезеңде мектеп кәсіподақ ұйымы 60 қызметкер құрады, оның ішінде 44 мұғалім, 16 жұмысшы, 6 мектеп қызметкері балаға қарау демалысында. Сонымен қазір 54 мектеп қызметкері жұмыс істеп жатыр. Оның ішінде 39 мұғалім, 15 жұмысшы.
2021 оқу жылы басталғанда мектепке жас мамандар жұмысқа алынды. Еңбек шарты жұмысшымен жазбаша түрде екі данада жасалып, оның әрқайсысына жұмыс беруші мен жұмысшы қол қояды. Еңбек шарты оларды есепке алу кітабында тіркеледі.2021 оқу жылы мектеп кәсіподақ ұйымына қыркүйек айында екі жас мұғалім арызын жазып кірді, олар Шарапатов Нурсултан Онғарбайулы математика пәні мұғалімі және Жұбатқан Набира Алиқызы ағылшын тілі мұғалімі. Екі қызметкер қазан айында арыз жазып кірді, олар Өмірбай Жұлдыз Сәкенқызы әлеуметтік педагог болып және Верховых Ангелина Геннадьевна іс -жүргізуші болып алынды. Жұмыс берушімен ұжымдық келісім шартқа отырған. Әлеуметтік- әріптестік аясында зейнет жасына жеткен екі мұғалімге оқу жылының соңына дейін жұмыс істеуге мүмкіндік берілді. Жұмысқа қабылданған қызметкермен бір жылға еңбек шарты жасалды. Қазіргі таңда мектепшілік кәсіподақ ұйымының мүшелері толық жұмыс істеуде. Техникалық инспектор Тельгазиева Ақбота
Сарсенбаевна.Ревизиялық комиссияға үш мұғалім кіреді: Надырбекова Т.Ж биология пәні мұғалімі, Отеубаева А.А математика пәні мұғалімі, хатшы
Кыпшакбаева З.Б. Әр қызметкердің өз жұмысын жауапкершілікпен атқарғанын ескере отырып, әр мереке сайын «Құрмет грамотасымен», «Алғыс хаттармен» марапатталса, ұстаз қауымының еңбектерін ескере отырып, аудандық, облыстық мадақтамаларға ұсынудамыз. Осы оқу жылдарында ұстаздардың еңбектері үшін алған мадақтамалары тынымсыз жұмыстың нәтижесі деп айтамыз.
Жыл сайынғы ақылы еңбек демалысы мен қоса лауазымдық жалақы мөлшерінде емделу жәрдемақысы төленіп тұрады. Мұғалімдер және кіші қамту қызметкерлері де жыл сайынғы дәрігерлік тексеруден өтуде. 1-қазан қарттар күні. Саналы ғұмырларын тынымсыз еңбектерімен көрсеткен аға-апаларымыздың төл мерекесі. Олардың өмір жолдары бүгінгі ұрпаққа табылмас қазына. Осы мереке жыл сайын мектебімізде өтілуде.
Сонымен қатар зейнеткер ұстаздарымызда сырт қалмауда. Әр мереке сайын зейнеткер ұстаздар шақырылып, сый-сияпат көруде. Мектебіміздің мерей той иегерлерін, сонымен қатар сала ардагерлерін де назардан тыс қалдырмаймыз. Мерекелік іс-шараларға қызметкерлер марапатталып отырады. Кәсіподақ ұйымының 2021 жылы көптеген мәдени іс-шараларға кәсіподақ тарапынан қаржылық көмек көрсетілген туралы, мысалы мұғалімдер күні, жаңа жыл, 8- ші наурыз және 22-ші наурызға ақшалай 73,500 қаражат берілді. Мерекелерді ұйымдастыруға бөліген қаражат ұжымның мерекелік іс- шараларына жұмсалынды.
Кәсіподақ тарапынан әлеуметтік көмектер көрсетіліп отырды. Аталған көмектер иелеріне тапсырылды. Желтоқсан мейрамына орай көп балалы мұғалімге соц.пакет берілді. Аудан кәсіподақ ұйымының бір қатар санаторий және сауықтыру орталықтарымен арнайы келісімі бар. Кәсіподақ демалу ақысының 50 пайызын төлейлі. 2021 жылда кәсіподақ ұйымы тарапынан қызметкерлерді сауықтыру мақсатында шипажайларға берілетін 50 пайыздық жеңілдікпен мұғалімдер өтініштері бойынша сауықтыру орталықтарына барып келді. Өткен жылда ұстаздарымыз Мурынбаева А және Имашева А «Мейірімді мерке» шипажайына 50 пайыз жеңілдікпен барып келді.
2021 жылы зейнетке шыққан Жарманов Е.Е математика пәні мұғалімі және Жакыпова Т.Н қазақ тілі пәні мұғалімі кәсіподақ тарапынан бағалы сыйлықтар берілді.
2021 жылы коммуналдық қызметке берілген төлемі жоғарлады 14,500 теңге болды. Кәсіподақ ұйымының өтініштері уақытысымен өткізілінді. Бірақ коммуналдық қызмет шығындысына жұмсалатын қаражаттың бағаларымен алынған коммуналдық төлем сай келмейді. Бұл қанағаттандырмайтын мәселе, бұл салада кәсіподақ ұйымдары жұмыс істеуде. Бұны кәсіподақ тарапынан көрсетілген қолдау деп білеміз.
Қызметкерлердің тек қана жұмыс емес демалыс кездерін ұйымдасқан түрде кәсіподақ комитеті өткізуде. Жыл барысында жоспарланған іс-шаралар түгел орындалды. Мектеп жұмыстарына белсене қатысқан мұғалімдер мақтау қағазымен және бағалы сыйлықтармен марапатталып тұрды. Кәсіподақ жұмысының алға жетелеуі, ол мектебіміздің өсіп-өркендеуі. Мектеп ұжымдық келісім- шартта көзделген баптардың орындалуына, мектепішілік жұмыстардың барына кәсіподақ
төрайымы Надырбекова Т.Ж немесе комитет мүшелері атсалысып мектеп әкімшілігімен бірлесіп жұмыс істелуде. Жыл бойы заңдылықтың бұзылуы туралы
арыз болған жоқ. Техникалық инспектор Тельгазиева А.С есебінде мектеп кабинеттерінің бәрі техника қауіпсіздігі бойынша безендірілген. Әр жұмыс орны еңбек жағдайлары бойынша аттестатталанып, еңбек жағдайларының
нормативтеріне сай болды. Мемлекеттік санитарлық- эпидемиологиялық қадағалау мекемесінен талаптар қойылған жоқ.
Білім бөлімі мен кәсіподақпен келісе отырып кәсіби даярлық, қайта даярлау мен біліктілік көтеру нысандарын, қажетті мамандықтар мен кәсіптер тізбесін, әр күнтізбелік жылға оқушылар санын белгілейді. Қызметкерді біліктілігін көтеруге жолдағанда, оның жұмыс орын, жұмыс орны бойынша жұмыс күндері үшін жалақысын сақтайды. 2021 жылы мұғалімдеріміз біліктілік санаттарын көтеріп келді. 4 мұғалім педагог-модератор, 2 мұғалім педагог-сарапшы , 2 мұғалім педагог-зерттеушіге тапсырып өтіп келді. Қызметкерлерге жалақы жұмысты орындағаны үшін ай сайын ақшалай түрде төленеді. Жалақы қызметкерлерге келесі айдың 10-нан кешіктірілмей төленуі тиіс.
Жалақы еңбекке ақы төлеу жүйесіне сәйкес есептеледі және өзіне мыналарды қосады:
- лауазымдық айлық (тарифтік ставка);
-мемлекеттік бюджет қаражатының есебіндегі ұйымдардың қызметкерлеріне, азаматтық қызметшілерге, қазыналық кәсіпорындар қызметкерлеріне еңбек жағдайы үшін көтерме, үстеме ақылар және қосымша ақылар;
-ұйымның локальдық нормативтік актілерімен, қолданыстағы заңнамамен көзделген басқа да төлемдер.
Еңбек ақының өзгеруі келесі жағдайларда жүргізіледі:
-мамандық бойынша еңбек ақы өтілі артқанда-сәйкес еңбек өтілі артқан күннен бастап, егер құжаттар мекемеде болса немесе еңбек ақы ставкасын арттыру құқығын беретін еңбек өтілі туралы мәлімет тапсырған күннен бастап:
-педагогикалық қызметкерлерге біліктілік санаты берілгенде:
-біліктілік санаты ағымдағы жылдың ішінде айында берілген педагогтарға, сол жылдың қыркүйегінен бастап;
-біліктілік санаты желтоқсан айында берілген педагогтарға, келесі жылдың қаңтар айынан бастап;
-«Еңбегі сіңген» атағы берілгенде-берілген күннен бастап;
-ғылыми кандидаты, ғылым докторы ғылыми дәрежесі берілгенде-Қазақстан Республикасының Білім және ғылым минситрлігінің білім және ғылым саласына бақылау жүргізу жөніндегі комитет алқасы немесе президумының диплом беру туралы шешімі шыққан күннен бастап;
Ұйым қызметкерлерінің жұмыс уақыты бастауыш кәсіподақ ұйымы кәсіподақ комитетінің келісімі бойынша жұмыс берушімен бекітілген ауысым кестесі, оқу кестесі, жылдық күнтізбелік оқу кестесі, сабақ кестесі, ішкі еңбек тәртібінің Ережелерімен, сондай-ақ еңбек шартының жағдайларымен, қызметкерлердің лауазымдық нұсқауларымен және оларға ұйымның Жарғысымен (Ережемен) жүктелген міндеттемелермен белгіленеді.
Заманауи басшының міндеті – әрбір педагогтың өзін-өзі шығармашылық тұлғалық
тұрғыдан дамытуына, кәсіби өсуіне, қайта құруларға, өздігінен білім алу және өзін-өзі тексеруге, өз біліктілігі аясында басқарушылық шешімдерді қабылдауына жағдай жасау. Тәрбие – сапалы білімнің негізгі арқауы, діңгегі Еліміздің жастары өзін жеке
тұлға ретінде дамытумен қатар, мемлекеттің озық инновацияларға сай өркендеуіне зор үлес қосуы қажет. Бұл – қазіргі білім және тәрбие беру үдерісінің алдында тұрған маңызды міндет.
Қорытынды:
- Мұғалімдердің мектепте жұмыс істеуге жағдайлары жасалған.
- Кәсіподақ мүшелеріне уақытылы жалақы және еңбек демалысына шығу жағдайы жасалған.
- Мектеп ұжымының моральдық психологиялық жағдайлары қарым-қатынастары, келеңсіз жағдайлар болған емес. Ұжым бірлесіп жұмыс істейді.
- Мектепте қауіпсіздік ережесі және техника қауіпсіздік ережесі сақталады.
- Кәсіподақ ұйымының мүшелерін мерекеде, туған күндерде құттықтап, мектеп бойынша қоғамдық жұмысқа белсене қатысады.
- Мектеп бойынша кемшіліктер болғанның өзінде оны сол жерде шешуге тырысамыз.