28
март
2022
мектеп
«Өрт-тілсіз жау» тақырыбында өткізілген сынып сағаттарының
АНЫҚТАМАСЫ
Мектебімізде ақпан айында «Өрт-тілсіз жау» тақырыбында 1-11 сыныптар аралығында сынып сағаттары өткізілді.
Мақсаты: оттың адам өміріндегі маңызын, пайдасын, пайда болу жолдарын ұғындыру. Сонымен қатар оттың тілсіз жау екендігін ұқтыру. Өрттің зияны мен қауіпсіздігі туралы толық мағлұмат беру. Оқушыларға оттан сақтанудың жолдарын, өрттің табиғатқа, адамға әкелетін зардабын түсіндіре отырып, сіріңке, оттық т.б. қатерлі нәрселерден аулақ болу. Сынып сағаттары барысында өрт қауіпсіздігі туралы бейнебаяндар көрсетілді, сұрақ-жауаптар алынды, суреттер салынды және де оқушылар Өрт туралы түсініктерін шығарма түрінде жазып берді.
Өрт қауіпсіздігін білу- әр оқушының міндеті. «Сақтықта қорлық жоқ» деп аталатын бұл бетте оқушылар өрт қауіпсіздігін айтып берді және өрт қауіпсіздігіне керек құралдардың суреттерімен жұмыс жүргізді. Көптеген адамдар өртті өздеріне қатысы жоқ, немесе олардың кесірінен болмайтын нәрсе деп қарастырады. Алайда өрт жағдайларының жартысынан астамына адам факторы – отты пайдаланудағы бейқамдық пен абайсыздық себеп болып жатады. Сондықтан өрт қауіпсіздігінің қарапайым ережелерін барлығы білуі тиіс. Ең әуелі кез келген бейтаныс ғимаратқа кіріп бара жатқанда, жолыңызды есте сақтауға тырысыңыз, негізгі және қосалқы есіктердің орналасуына мән беріңіз. Егер де «Өрт!» деген айқайды естісеңіз немесе түтін иісін сезсеңіз, не болмаса жалын байқаған болсаңыз, өрт сөндіру қызметіне хабарлаңыз.
Оқушыларымызға сынып сағаттарда өрттің адам өміріне қауіпі мен тілсіз жау екенін түсіндіре отырып, бейнебаяндар көрсете отырып, ата-аналарға, оқушыларға, мектеп ұжымына өрт қауіпсіздігі туралы жадынамалар таратылды.