04
апрель
2022
мектеп
4 сәуір күні мектепішілік жалпы ата-аналар жиналысы өтті. Қаралатын мәселе:
1. «Мектеп оқушыларына арналған қауіпсіздік ережелері» /баяндама, жадынама/
2. «Қауіпсіз интернет», «Буллинг және оның алдын- алу»
3. Діни адасушылықты болдырмау ортақ борышымыз
4. Әр түрлі мәселелер
Тыңдалды: Алғашқы сөз кезегін директордың тәрбие ісі жөнінідегі орынбасары Ж.М.Шералиева алып, бүгінгі жиналыста қаралатын мәселелермен таныстырып өтті. Ол өз баяндамасында әр отбасының бала тәрбиесіне белсене қатысуының маңызын арттыру. Мектептегі тәрбие жұмысының нәтижелігінің бір ұшы ата-аналармен, мектептің бірлескен әрекетінде. Мектеп оқушыларының өмір қауіпсіздік ережелері туралы түсіндіріп, ата-аналарға арналған нұсқаулықпен таныстырып өтті. Бала есейген сайын өз бетінше жүруге құмар болады. Көбінесе ата-ана жұмыста болып, бала үйде жалғыз қалатын кездер болады. Балаға техника қауіпсіздік ережелерін ескертіп отыруы керек: үйде жалғыз қалғанда электр жүйесіне жақындамау, газ плитасына тиіспеу, терезені ашпау, бөтен кісіге есік ашпау, т.с.с. Ата-анасының әрбір ескертуін ұмытпай, ереже талабын бұлжытпай орындаған балалардың әр түрлі сәтсіздіктен аулақ болатыны шындық. Ал ата-аналардың міндеті — баланы өрт кезінде, атқа міну, қаңғыбас иттен, жолда жүру ережесі немесе күмәнді адамдармен кездесу сияқты қауіпті жағдайларда өзін қалай ұстауы керек және не істеуі керек екенін түсіндіріп, үйрету. Балалардың бос уақытын тиімді пайдалану мақсатында түрлі үйірмелерге оқушылардың 80 пайызы тартылғандығын айтты. Ата-аналарға «Өмір қауіпсіздігіне арналған нұсқаулық» слайд көрсетті. Құрметті ата-ана, балаларыңызды жолда қараусыз қалдырмаңыз, жолда жүру ережесін сақтауда балаларыңызға үлгі болыңыздар. Егеменді еліміздің болашағы – балалар. Сондықтан бала өмірінің қауіпсіздігіне немқұрайлы қарамайық деп қортындылады. Мектебіміздің «Қыз Жібек» клубының мүшесі Б.Аметова сөз кезегін алып, ата-ананың жауапкершілігінің тәрбие саласында, баланың өмір қауіпсіздігінің маңызды екендігін айтып, баланың жарақат алуы көбінесе мектеп пен үй арасында болады.Көшеде ұзақ ойнап жүріп қалған бала міндетті түрде қиын жағдайға тап болуы мүмкін (балалармен ойнап жүріп ерегісіп, төбелесіп қалуы, бір-бірінің заттарын тартып алуы, бөтен бұзақы балалардың көзіне түсуі және олардың ақша талап етуі, дүкеннен жарылғыш заттарды сатып алып ойнауы, т.с.с.). Ата-ана балаға артық ақша бермеуі керек. Үшкір заттар мен газды балондар алып жүрмеуін қадағалауы қажет деп сөзін аяқтады.